مرحبا و المجد بالفعل ماهو بـ الوعيد
( المحازم راهية ) و ( المواقف ثابته )
يطلع المبدع بعصما من عيون القصيد
لا وقف [ جمّل بلاده ] و { جمّل لابته }
غنوا طروق الخطر و أتركوا عبدالمجيد
لـ الهوى عشاقه و لـ الخطر لعابته
يوم ميراد المنايا ، نعدّه يوم عيد
كل طيّب دون عرضه رفع سبابته
يا جبلنا لا تفكر فـ ، عبّاد ، العبيد
الجبل في سدّ حيده و سدّ ذيابته
دونك الموت الحمر و آهل المجد التليد
نذبح اللي مكتسي ٠ محزمه و ٠ عصابته
لا وقفنا ننشر الذل فـ الراس العنيد
الطمع ياويل من شاله فـ جلبابتة
جنة الارض الفسيحة مكانتها الوريد
من يحارب شبر منها لقى حرابته
( كم دفعنا دونها من جواد ومن شهيد )
يوم غدر الجار خيبة ظنونة جابته 🇮🇶
شرهة العقل المدبّر على العقل البليد
و شرهة التاريخ … ترجع على كتّابته
#الكويت
#عاجل_الان
عادل محسن retweeted
خلوني اضرب تهاتيه الخلا الخالي
واسج عن مطلع الشعّار والسّاحه
مالي ومال الزعل لاصار من غالي
والله والدرس نفسي منه مرتاحه
ليت الخبر عنه ،، دل الداله السالي
يحذف جوازً ،، (ولولا) عنه لمّاحه
بلاغتك واضحه فالمر والحالي
وبحور صرفك معي لاجيت شحًاحه
أستاذ ف املاء والتعبير طوالي
عندك قلم يكتب ولا فيه مسّاحه
طلاب واجد بدون ال (ال) من تالي
ف أعراب تُنكر، وعنه العُرب نزّاحه
مافيه داعي ارد الصوت والالي
لله درَي واعْرف النفس طمّاحه
خلوني ادله واعسّ المرتع لحالي
صمت المرابع وصوت الورق صدّاحه
في صحصحً مايدّله سايق الرالي
مايسهجه غير عودً همّل ارباحه
الله على مطمنه والصيهد العالي
والله على النفس لو ماهيب بوّاحه
وين انت يالي ليا من جيت في بالي
ايدين وصلي على لاماك شوّاحه
ليتك تحسّ وتقدر خاطر اْمالي
لو اكتم الشوق عين الشوق فضّاحه
لاتحسب اني كذا داله ولا اْبالي
عليك وجدي يشوف الوصل ذبّاحه
مدري اشوفك غلط ولا يورّالي
عاشقك حطيت قبره صالة افراحه
سلبت منْه الكرى والفكر من تالي
ماهو كذا تسلب من الزابن سلاحه
شاعرك عقب الولا ماعاد له والي
في غيبتك ماتحمل خيط مسباحه
فهد قليب الذيب
عادل محسن retweeted
لا ياخذكْ بيديه الزعل يا أخر الخلان
تقبّل على شان المحبه .. معاذيري
انا ما تبعت الا الله المعطي المنان
ولا ودي ابيّن لـ طاعتْه تقصيري
تحملت زلت كل مخطي وكل لسان
وتقوّيت لين استسهلتلي مقاديري
واذا علّق الانسان رجواه بـ الانسان
يا قلبي على ربي رجاي وتدابيري
كتبت القصيد لـ عنق غاده وبنت حصان
ولقيت أكثر اللي يكتبونه .. جماهيري
يا منصى البيوت ومدهل الضافي الهتان
تغنيّ طرب وان مال عودك كثر خيري
لقيتك .. وانا بين التوجاد والحرمان
واخذتك وشفت بوجهك الغض تيسيري
احبك واحب اللي تقولين مهما كان
واعلق على صبحٍ يجيبك .. تباشيري
لو احاول ادفّ الطواري على النسيان
انا اشوفك بْـ كل الطرق في مشاويري
عسى وجهك الراضي فدا وجهك الزعلان
وعسى صوتك المبحوح ما يسمعه غيري
عادل محسن retweeted
رسمتك بعين الحب صوره و تذكار
مثل ما رسمت الشعر فكره و تصوير
و غرفتك بيدي من عذوبات الانهار
مثل ما يغرف الدلو من قاعة البير
و حفظتك مثل حبي و حفظي للاشعار
عيونك بها المعنى ..، وزنك تعابير
جذبني سحر عينك و لديت الانظار
مثل جذبت الملواح عند الصقاقير
#عبدالله_الدريويش
عادل محسن retweeted
ضحيت لك في كل حاجه / ابيها
ماقلت ظرف الوقت فوق اجتهادي
حتا لو ان ظروفنا لك عليها
عليك والله ماتشح / الايادي
#حمد_سالم
عادل محسن retweeted
عطني من اللي تعتق لونه الخمري
الين اذوب بقايا الشعر ، فـ الكاسه
خصوصاً الفله المحبوك و الجمري
اليا ضبط سكره ، غيبني احساسه
يهب عذب النسيم و يصدح القمري
لا مر فالبال وجهٍ ، قلو اجناسه
اي والله اني على حبه حسمت امري
لو عاندوني و زاد ابليس وسواسه
ما عاد تفرق بياض ايامي و سمري
ايامي السمر بيض ، بـ طلة انعاسه
اخلي الشعر و اخلي ابن حمري
و اردد العقد ، احلى منه لباسه
يغمرني الشوق و ضحكك زايدٍ غمري
و الحب ، حطاب ليل و طلتك فاسه
احطب لك ضلوع صدري كيني و سمري
و اخلي لك ، اغلى معازيبه و جلاسه
جيّتك عيدي و صدك موتي و دمري
و بـ ايديك فرحة يتيم و قطعت انفاسه
عمري بدونك ماهو محسوب يا عمري
و قلبي ، ليا غبت عنه اعلن افلاسه
عادل محسن retweeted
طاح نص الليل وانفك لـ الصُبح الستار
مثل ماطاحت من عيوني أغلى ناسها
من يصدق قلبه إن صارت اللحظة ( قرار )
حط راسه تحت حكم الليال وفاسها
كم ضريبه تندفع والسبب سوء أختيار
من يلوم الناس لا زادت بـ وسواسها ؟
من عرف معنى المحبه ومعنى الانهيار
ماقدر يجرح قلوب البشر و أحساسها
ليلة البارح من الضيق فكيت الزرار
لين مرت ذكرياتي معا نسناسها
صارت اللحظه دقايّق وساعات إنتظار
والثواني ؟ لابسه لبس غير لباسها
ودي ارد " الليالي" وارد الاعتبار
لين اغيّر كل غلطه و اعدل ساسها
ودك الإنسان مايطلب الناس إعتذار
من قبل لا تاصل النفس حد لـ ياسها
لا تذوّق قلبك الصلب طعم الانكسار
القوي تحطه الناس تاج بـ راسها
من تبع درب العزيمه ؟ ودرب الانتصار
بكره تمره ظروفه ويكسر باسها
عادل محسن retweeted
من يذبحه طاري الفرقى لا حل الظلام
يمكن من أدنى الرسايل يرجع لـ حلّته
لا واهني من غفى جفنه و ذاق المنام
في ليلةٍ سيفها بـ أقصى الحشا سلّته
يلوذ فيها شعور الحزن و الأنفصام
تقول كنّ الليالي .. لـ الحزن ولّته
ياراحله أرهجي صهوة جواد الكلام
الصمت سكّة ضياع العاهل وزلّته
واللي جهل غلطته لو يستبيح النظام
بكرّه بـ يصحى من الأحلام لا خلّته
كم فرصة تروح مرّواح الرجال الكرام
ولا بار صبر الحليم اللي على جبلّته
الصبر عز البيوت اللي من أول هدام
والضيق جمره تواقد من تحت دلّته
لو ترجع أيامنا اللي بين برد و سلام
مايرجع أحساسها اللي مابرت علّته
لا حنّ قلبي على أيام الصبا و الهيام
ياراحله أتركي … قلبي على ملّته
أنا كرهت الغرام الفوضوي و الغرام
حتى الكلام المعبّر يكفي بـ قلّته ،
عادل محسن retweeted
طلت يا ليل الشتا دون راي ودون شور
من يسامر ليلك الصلف همه يتبعه
لو ترازم فوق راسي من الوسم البكور
ما يبرد شي فيني مخايل مطلعه
عن سبيل احلامي البيض لاحقني فتور
الشغف منهو يبشرني اليا رجعه
ما خذيت العلم من فاهي و هراج زور
ولاني بـ هيَّن من الناس تقدر تقنعه
ولا حكمت الا ليا من عطيت الوقت دور
هو كفيلي بالتجارب وكشف الاقنعه
راسي اللي لا غوى شي ما هو بـ معذور
لين ياصل ما يبي والتعب ما يمنعه
كان صارت بالقساوه على حساب الشعور
لك معاي حساب ثاني وكلمه موجعه
ما بقى غير التجافي ونوبات الغرور
عد لك كم يوم والوصل يلقى مصرعه
انت ياللي لك على البال لحظات ومرور
ما يضيق الصدر لا غبت والدنيا سعه
علمتني دورة الوقت عن ضيق الصدور
قال ان عيّا زمانك عن الغايه طعه
من تساوت عندي اكبار واصغار الامور
ما نشدت الغالي ان راح واعذاره معه
وان رجعت تسابق الجرح والدنيا تدور
كان عندك عذر خله ما ودي اسمعه
عادل محسن retweeted
تفّيا تحت عكش الرموش و زبن نجلاك
ظلامً خذا من دامس عْيونك صورّه
يا فتّاك لا تستهر بـ حسنك الفتّاك
نواعسك أشدّ مْن الهنادي مية مرّه
مع أن عودك اللي مايحاليه عود الراك
يجرحّه ذعذاع الهبايب لو يْمرّه
لو أن فـ القدود المايسه قدّك وشرواك
مارحت أتفانى فيك واقص لك جرّه
عليك القصيد يْسوق قافه بدون إدراك
من أسفل قدمك لـ غرّتك حفل مغترّه
مسافة نحرك الترف يالمترف الشكّاك
مسيرً يشقّي من مشى فيه ويغرّه
ترامى عليه أبيات شعري هنا وهناك
هنا طاح لي قلب وهنا طاح لك درّه
يـ ذات القوام اللي على المترفات أطغاك
دخيلك من اللي يحيي الوصل ويبرّه
انا عاشقً مفني حياته عشان رضاك
ولا حصّل الا لوعة الوجد والحرّه
فـ إذا سال دمه وأنفطر قلبه بـ يمناك
ذنوبه على رقبتك ، و لومه على الغرّه
عادل محسن retweeted
جنب عن صدور المجالس ولاهنت
ولا تجلس الا فـ المكان المطرّف
حنا ورثنا الطيب والصيت ولا انت
لا فعلٍ يجمل ولا اسمٍ يشرّف
عادل محسن retweeted
تحرر امّن الكبت و تجرا على الكتمان
عليلٍ تكدر خاطره هبة النسمه
على احزانه عيون الملامه شهود اعيان
مع انه يقابل مجمل الناس بالبسمه
الانسان لا علّق رجاويه بـ الانسان
مشى الهم مع دم الوريد و نحل جسمه
ياقلبي لو تحطك ظروفك ملاذ احزان
تعايش مع اقدار الزمن و ارض بالقسمه
ما راح العمر لا روّح الفارع الريّان
الاقدار مكتوبه و الاوضاع منحسمه
قدرت آتحلوى علقم الفقد والحرمان
لو الشوق فـ ضلوع الحنايا وسم وسمه
شعتني بروق الوسم والماطر الهتان
ولا هو بيشعاني حيا لا قضى وسمه
حبيبٍ تركني بين الآمال والخذلان
بعد ما تمثنى روض صدري واخذ قسمه
لا يزعل ليا مني تماديت بالنسيان
اهو لو يذكرني بنفسه ذكرت اسمه
عادل محسن retweeted
تخيب الظنون السود ، في مثلي و شرواي
و تعيب العيون الحادر / و تمدح الراقي
عيون الليال ، ان طحت منها يعوض الجاي
و عيون الرجال ، ان طحت منها وش الباقي
عادل محسن retweeted
طال الكلام القصير وشّلت ايادي
تغيرت ساعة .. الوقت وعقاربها
لولا الحيا من سلوم وسيرة اجدادي
لـ اسمي الناس بـ اسماها واخربها
انا ما بين البشر في موقف حيادي
اشوف لي ناس مدري وش مأربها !!
الناس جاها مرض معدي ومتمادي
تحارب !! اللي ما عمره يوم حاربها
اللي لسانه ما خلى سيرة الهادي
وشلون ما تشذب الناس وتجاربها
ان جاتك الكلمه اللي ضاربه وادي
( لا تعقل يدينها وتمس شاربها )
جنب وتلقى لها عشرين كدادي
ان ما سحبو راسها ركبو فـ غاربها
أتنصّل من جروحي ومن حزني وغمي
كل ما ياخذ البرّاق رجدة وانكشافه
وأفتح ضلوعي لوبله لو ان ماهوب يمي
علّ ، يورق غصن قلبٍ هواء اللوعات لافه
شايلٍ في ضميري ولف من كمي لكمي
وأتنقّل به من الشام لحدود الرصافة
وساتر الله علي بدعوةٍ جتني من أمي
لين شفتك وأخذت بسكة العمر إنعطافة
يا أتلع الجيد ذب الريع عن همك وهمي
يكبر الحب مية عام في يوم إعترافه
لا تهددني بعينك وعينك ما ترمي
الرمي من ظنونٍ مالية صوتك كلافة
دام لا خالك بخالي ولا عمك بعمي
وش يخليك تلزم يدكْ في حبل المخافة
إقطع الخوف في سيف الوصال ولا تسمي
ما بقى بينك وبين الغرام إلا مسافة
مستحيل أتنازل عنْك لين يجفّ دمي
أنت وجهك ما مره واحدٍ قبلي وطافه
كان ما مت فيك وذقت من يمناك سمي
ماني براجي الأيام في عمرٍ أعافه
عادل محسن retweeted
انزاح ليل و حل صبح وكنت حاس
أني بعاني مشكلة من غيرتك
على كثر ماأرضي لك الخمس الحواس
على كثر ما بي تمادى حيرتك
كم قلت لك ماغيرك من الناس ناس!
كم قلت لك ماآداني إلا سيرتك
حتى لو إن الفاتنات فصوص ماس
عن خيرهم نفسي تهيم بخيرتك
إن كان لي فالحب لبس أنت اللباس
وإن كان لي به دار داري ديرتك
معك أتنفس زين و أحس بنعاس
أنت آدمي ولّا أنت حبة زيرتك :)
عادل محسن retweeted
من يرخص الدين لـ الدنيا سنينه حطام
حتى لو الناس فيه تزيد تمجيدها
الصدق ساس الشموخ اللي عليه الكلام
ولا القراده تحصلها مقاريدها
#راشد_فاروع
عادل محسن retweeted
ما يسهر الليل قلب الداله السالي
ما يسهر الليل غير اللي قسى وقته
يصحابي المبدعين مْن اول وتالي
مافيكم اللي تجرّع نص ما ذقته
من لوعة الانكسار لـ غيبة الغالي
ومن حلمي اللي طردته لين حققته
اصدد الضيق وارسم لـ اكبر امالي
طريقٍ ارهق مساعييّ ولا ارهقته
انا نديم .. النديم اللي على بالي
والله لو انه يسولف كذب صدقته
اعانقه شوق لين استنكر افعالي
مافيه نشوه مثل نشوة معانقته
كان اقرب أنسان واقربلي من ظلالي
وسلمت قلبي .. ورافقني ورافقته
وكنت اكتبه فـ القصيد العذب ما أبالي
وان مرني قاف جبت القاف واطرقته
والحين عشت الحياه المره لحالي
ما عاد احب القصيد ولا عمالقته
اواسي البال واتبّع جرة اهمالي
حتى الحزن يوم فارقته ما فارقته
اشوالي الحب ولا الفرقى اشوالي
يـ مجمعين الشعور ويا مفرقته
عادل محسن retweeted
حبال بالي عسى ربّي يطوّلها
لين أتعدا البحر بالعزم قبل أغرق
كم كلمةٍ قال ضيقي للعرب قلها
أردها في ضميري رد بالمطرق
الابتسامات للغالين أمثّلها
لو إن سعاير ضلوعي ريحها تحرق
من ضغط الأشغال لي كم يوم أحثلها
مع من أواجهه -من كان؟- ما يفرق
يا الله بـ يومٍ عن الأيام بـ أكملها
يشرق مع إشراق شمسه عمري المشرق
يعوضني عن شقا سنيني من أولها
بالرزق والعافية و الجادل الأطرق :)
أنا يا بنت ما ادوّر ورى قربي وبعدي شيّ
أحبك وأعشق شعوري معك لاهلت مْزونه
لو أن ما أخذت منّك غير قلبٍ بالمحبه حيّ
يكفي يا بعد من لو يخون الوقت ما أخونه
تجرّي وانثني بالعود الأطرق للهوى والغيّ
هذا اللي يستحق أعيش له وأموت من دونه
من اللي جامع اللي جامعه ظامي وشابع ريّ
ومن اللي مثلك بتبقى مداد العمر مزيونة
فدى وجهك صدى صوت الظروف اللي تنادي عي
وعذرٍ كلّما هبّ الشمال .. أختلت ركونه
من يشوفك ضماد وطب جرحٍ بالمحاني نيّ
كفيل أنه يحطك يا لطيف الروح بعيونه
هذا قلبي دليلك بالوفا والشوق ماهو ليّ
لك لحالك على كيفك تشكل شكله ولونه
أحس أني كثر ما أعطيك من كثرك يصير شويّ
و أحس بشي ما بالأرض عشاقٍ يحسونه
عسى الرمش الرهيّف في كنفْه ألقى ظلال وفي
وأجوبه لو زواياها الوساع العكش مسنونة
























