Mulaaxo

Soomaalidu waxay suugaanta ku gudbisaa dareenkeeda, mid shaqsiyeed iyo mid bulsheedba. Heestan Maayga ah waxaa tiriyey Abwaan Xasan Huburoow, Alle ha u naxariistee. Macnaheedu waa sidan: Anigu qofna ma dulmiyo, Dulmina la iguma yaqaan. Wax aan igu habboonaynna kuma kaco. Waxaan ahay qof Kitaabka Ilaahay ku xiran. Dhaqanka wanaagsan ayaan dhowraa, qof walaal ahna dhib uma geysto. Waxa diinta iyo dhaqanku iga reebeen kuma kaco. Maanta wixii ka dambeeya, midka dhulkayga iigu yimaada ee igu yidhaahda: “Dhulkaaga ayaan kugu xukumayaa,” WALLE, midkaas khasaare mooyee khayr igama helo. Kulaylka iga muuqda wuxuu ka dhashay dhibaatooyin badan oo aan hore u soo maray. Waxay ii moodeen qof jilicsan. Aamusnaantaydana waxay u fasirteen inaan ahay qof aan dareen lahayn. Waxayba iska dhaadhiciyeen inay waxay doonaan igu samayn karaan. War hooy: Waxaan leeyahay xoog, balse dadka kale kuma dulmiyo. Xooggaasna uma isticmaalo inaan qof kale ku xadgudbo. Waxay caado ka dhigteen dulmi iyo dhaqan-xumo, waxayna u maleeyeen inaanan dad ahayn. Waxay isku qanciyeen inaan doqon ahay oo wax kasta la igu samayn karo. Ayaxii madaxa kuusnaayoow, caqliga xumaayoow, Maanta ka dib waxaan kuu ahay laf dhuunta gashay. Adduunyadu waa meerto. Qof walba mar bay soo martaa. Ha u malayn in awooddu adiga keligaa kuu gaar tahay. Waxaan ballan qaadaynaa in wixii hadda ka dambeeya, qofkii gardarro noo geysta uu ka shallayn doono gardarradiisa. Kulaylkii nala gaarsiiyey ayaa nagu qasbay inaan si adag uga hortagno gardarrada, una istaagno difaaca xaqeenna iyo karaamadeenna. Waa waqtigii aan dulmiga joojin lahayn. Annaguna ma samayn doonno dulmigii aan hore u diidnay. @hodansomali @SeraGaid @mustafaadam @MohamoudGaildon @ridgulle @DrBaadiyow @PhiloSomalia @HassanSMohamud @HamzaAbdiBarre @MPDrAbib @warsan003 @Yaska74750972 @cunayee @theafroaussie @tuncdemirtas @CabdulfataaxD @DekBinanle @Mohameddharoor @HassanKeynan1 @khadiryare @DifaacaSomalia @HornChronicles @LovePeace4All @XurmoXamdi @AliSamattar @Mahamed81443729 @WAbdulle @AbdiwahabSheik7 @AbdisalamSharf @Abdik09764249 @othmun1 @HassanSMohamud @mohahaji00 @Cabdalleaxmed @AhmedAbdiIsse1 @alihwarsame @faaraxsheekh @FaqiAlis @Laftagareen @CabdulfataaxD @PresidentMadobe @safiirk @SeraGaid