BAD SINCE 965

KUELEKEA HUKUMU YA TUNDU LISSU: ASKOFU MWANAMAPINDUZI ALIKUWA MBELE YA MUDA‼️ Mwaka 2025, baada ya Tundu Lissu kushinda nafasi ya Mwenyekiti wa CHADEMA Taifa, aliandaa tafrija ya shukrani nyumbani kwao Mahambe, Ikungi, Mkoani Singida. Hafla hiyo ilihudhuriwa na viongozi wa chama, wanachama, viongozi wa dini na wananchi. Katika hafla hiyo, Askofu Mwanamapinduzi, Mwenyekiti wa CHADEMA Wilaya ya Itilima na rafiki wa karibu wa Mhe. Tundu Lissu, aliongoza maelfu ya watu kumuombea na kumtia nguvu kwa ajili ya majukumu yaliyokuwa mbele yake. Kilichotamkwa na Askofu Mwanamapinduzi wakati huo leo kinaonekana kuwa na uzito wa pekee, kutokana na mazingira ambayo Mhe. Lissu anakabiliana nayo. Biblia inasema katika Mathayo 27:19 kwamba mke wa Pilato, akiwa na hofu juu ya hukumu iliyokuwa mbele yake, alimtumia ujumbe: “Usiwe na neno na mtu huyu mwenye haki; kwa sababu nimeteswa mengi leo katika ndoto kwa ajili yake.” Ujumbe huu unatukumbusha kwamba kabla ya hukumu, kuna nafasi ya kutafakari, kusikiliza na kutenda kwa hekima. Tunapoelekea tarehe 6 Oktoba 2026, ambayo imepangwa kuwa siku ya hukumu katika shauri linalomhusu Tundu Lissu, tunamuombea na kumtumainia Mungu kwa ajili ya haki, hekima na utulivu. Mungu amsimamie Tundu Lissu katika kipindi hiki. Mungu awasimamie wote wanaopitia nyakati ngumu kwa ajili ya haki na kutetea wengine. Watumishi wa Mungu wa kweli (wasio machawa) wana mchango mkubwa sana katika maisha ya watu, hasa nyakati ambazo nguvu zinahitajika zaidi. Je, wewe unaye Mtumishi wa Mungu wa kweli ambaye anaweza kusimama pamoja nawe wakati wa shida, akakutia nguvu na kukusaidia kusimama imara? Tafakari. Chukua hatua. Mungu awabariki Watumishi wa Mungu wa kweli wote, popote pale walipo. Tunatambua mchango wenu. 🙏🙏 #FreeTunduLissu #hakihuinuaTaifa