George

#አብይአህመድ 7ኛው ንጉስ ሆይ! "ንጉስ በስራዊቱ ብዛት እያሸንፍም" በዘመናዊ የጦር መሳሪያዎችም እንዲሁ። መሳሪያዎቹ የተገዙበት ሀገርም ሆነ ሌሎች ትላልቅ ሀገሮች የቅርብ አመታት ተሞክሮ የሚመሰክሩት ይህንኑ ነው። የ #ኢትዮጵያ ሁለንተናዊ ቀውስና ተጠያቂ አንተው ነህ። የአመራር ውድቀትህን የአስተዳደር ውድቀትህንን በመላዊ ሀገሪቱ ያመጣሃውን የማያባራ የደም ጎርፍ፣ መከራና ስቃይ መሸፈንም ሆነ ዘላቂ ሰላምና ደህንነት ማረጋገጥ አይችሉም! 1. የችግሩ ሁሉ ማዕከል — የአመራርና የአስተዳደር ቀውስ አንተ ነህ፦ የኢትዮጵያን ሁለንተናዊ ቀውስ (Polycrisis) እያባባሰ ያለው ዋነኛ ምክንያት የአንተው የአብይ አህመድ የአመራር ውድቀት፣ ብልጽግና ፓርቲ ሎሌችህ የሥልጣን ማጠናከር ፍላጎትና በተለይም የኦሮሚያ ብልጽግና ፓርቲ (OPP) በሀገር ውስጥም በአካባቢዎም ላይ ፖለቲካ፣ የኢኮኖሚ፣ የባህልና የቋንቋ የተስፋፊነት ፣ የበላይነት/ አጀንዳ ነው። 2. ያላባሩ ጦርነቶችና የተስፋፋ የጸጥታ ቀውስ፦ በ #ትግራይ፣ በ #አማራና በ #ኦሮሚያ የቀጠሉ የትጥቅ ግጭቶች፤ በቤንሻንጉል ጉሙዝ፣ በጋምቤላ፣ በደቡብ ኢትዮጵያ፣ በሞያሌና በአካባቢዋ የሚታዩ የጸጥታ ችግሮችና የማኅበረሰቦች ግጭቶች የሀገሪቱን ሰላም፣ አንድነትና መረጋጋት እያናጉ ይገኛሉ። 3. የሰብዓዊ መብት ጥሰቶችና የዜጎች ደህንነት፦ በብሔር ማንነት ላይ የተመሠረቱ ጥቃቶች፣ ግድያዎች፣ የዘፈቀደ እስሮች፣ የሲቪሎች መፈናቀልና ሌሎች ከባድ የመብት ጥሰቶች በኢትዮጵያና በዓለም አቀፍ የሰብዓዊ መብት ተቋማት ሪፖርቶች ተመዝግበዋል። በእነዚህ ጥሰቶች ላይ ገለልተኛ ምርመራና ተጠያቂነት ያስፈልጋል። 4. የፖለቲካ ጭቆናና የዴሞክራሲ ቀውስ፦ የፖለቲካና የሚዲያ ነፃነት በእጅጉ መገደብ፣ የተቃዋሚዎች መታፈን፣ የሕግ የበላይነት በእጅጉ መዳከም፣ የፍትሕ ተቋማት ነፃነት እጦት፣ የሥልጣን ማዕከላዊነት፣ ስልጣን ያልተገደበበት፣ ተጠያቂነትና ግልጽነት የሌሉበት፣ አምባገነናዊ አገዛዝ ለሀገሪቱ የፖለቲካ መረጋጋት ከባድ ፈተናዎች ቀውሶች ምክነያቶች ናቸው። 5. ብሔርንና ክልልን ከክልል የማጋጨት ፖለቲካ፦ በጋራ ዜግነት፣ በእኩልነትና በፖለቲካዊ ስምምነት ፋንታ የብሔርና የክልል ልዩነቶችን ለሥልጣን ማጠናከሪያ መጠቀም የሚለው የ #አብይእህመድ የሴርና የተንኮል ዘይቤና ስልት ፓርቲ ። እንዲህ ያለ አካሄድ የሕዝቦችን መተማመን እያፈረሰ ይገኛል ያፈርሳል፣ ግጭቶችንም እያባባሱ ነው። 6. ድህነት፣ ረሃብና የኢኮኖሚ ቀውስ፦ የUNDP የ2026 ሁለንተናዊ ድህነት መረጃ በግምት 90.77 ሚሊዮን ኢትዮጵያውያን በብዙ ገጽታ ያለው ድህነት ውስጥ እንደሚገኙ ያመለክታል። ይህ በ2019 የቤተሰብ ጥናት ላይ የተመሠረተ ግምት ቢሆንም፣ የድህነቱን ስፋት በግልጽ ያሳያል። የኑሮ ውድነት፣ ረሃብ፣ ሥራ አጥነትና የኑሮ ዋስትና መጥፋት ለሚሊዮኖች ዕለታዊ ፈተና ሆነዋል። 7. ሙስና፣ የሀብት ብክነትና የተቋማት መዳከም፦ በሕዝብ ሀብት አጠቃቀም፣ በመሬት አስተዳደር፣ በመንግሥት ግዥና በሕዝብ ገንዘብ ወጪ ላይ የግልጽነትና የተጠያቂነት እቶት ። 8. የ“ብልጽግና” ፕሮፓጋንዳና የኮንክሪት ልማት ትርክት፦ በአዲስ አበባና በሸገር የሚካሄዱ የኮሪደር ልማትና የከተማ ማደስ ፕሮጀክቶች ከቤት ፈረሳ፣ ከአስርቱ ሺዎች ከዜጎች መፈናቀል፣ ያስከተሉት መከራ፣ማህበራዊና ኢኮኖሚያዊ ምስቅልቅል። ልማት በረጃጅም ሕንፃዎችና በውብ መንገዶች ብቻ ሳይሆን በሕዝብ የኑሮ መሻሻል፣ በፍትሃዊነት፣ በአካታችንነት፣ በሰብዓዊ ክብር የሚለካ ነው። 9. የጎረቤት ሀገራት ግንኙነትና የቀጣናው አለመረጋጋት፦ በተለይ ከኤርትራና ከሱዳን ጋር የተባባሰው ውጥረት፣ የጦርነት ስጋትና የማስፈራሪያ ንግግሮች የኢትዮጵያን ብቻ ሳይሆን የመላውን የአፍሪካ ቀንድ ሰላምና ደህንነት የሚመለከቱ ጉዳዮች ናቸው። 10. የጦር መሣሪያ ክምችት የብሔራዊ ደህንነት መለኪያ አይደለም፦ የሩሲያ ተዋጊ አውሮፕላኖች፣ ሚሳይሎችና የአየር መከላከያ ሥርዓቶች የውጭ የመከላከያ አቅምን ሊያጠናክሩ ይችላሉ። ነገር ግን ድህነትን፣ ጭቆናን፣ ሙስናን፣ የፍትሕ እጦትንና የፖለቲካ ሕጋዊነት ቀውስን በጦር አውሮፕላን ማስወገድ አይቻልም። በራሷ የውስጥ በጦርነት፣ በጭቆና፣ በሚሊዮኖች መራብ፣ መፈናቀል፣ በነች ድህነትና በፍትሕ እጦት የምትናጥ ሀገርን በተዋጊ አውሮፕላኖችና በሚሳይሎች ደህንነቷን ማረጋገጥ አይቻልም። የሀገር ጥንካሬ የሚለካው በመሪዎቿ የጦር መሣሪያ ብዛት ሳይሆን፣ ዜጎቿ በሰላም፣ በነፃነት፣ በፍትሕና በክብር የመኖር መብቶቻቸው በተግባር ተረጋግጦ ሲገኝ ብቻ ነው። መንግሥትን በጦር መሣሪያ ማጠናከርና ሀገርን በፍትሕ፣ በሰላምና በሕዝብ አመኔታ ደህንነቷን ማረጋገጥ ሁለት የተለያዩ ነገሮች ናቸው።