ما زلت اتوب مْن الخطا واخطي واكررها و اعيد
تدفعني الدنيا و تكبحني تفاصيل القبر
غرقان بذنوبي و نارك تسألك هل من مزيد
بحر المعاصي تهلكة في مد ولا في جزر
#عيسى_طلق
عيسى طلق retweeted
ذعذع علي يابارد النسناس واعطيك الحصيل
عصما من يدقق على مضمونها ما عافها
من ناتج احساسي ومن توديع منسوع الجديل
ومن ضحكةٍ حاولت ابيّنها ولا احدٍ شافها
البرق يبرق فـ السما والسيل فـ الوادي يسيل
والناس لو نعرف نواياها نخاف اجحافها
سود الليالي عرضتني لـ الكثير ولـ القليل
وما فيه احد لا مرته سود الليالي طافها
بنت الرجال اللي مواردهم قراحٍ سلسبيل
اللابه اللي تحتمي لا وقفت ميقافها
عطيتها من صادق الاحساس فـ الليل الطويل
اللي خذاها لين خلاها على مشرافها
اشوفها اخر درب لـ الفرحه ولـ الجو العليل
ولا ردها عن وصلي الا سلومها واعرافها
تْعرف مضمون الشعر وتحب مردود الجميل
وتسير لاكن ما تسير الا مسير اسلافها
معها تجاوزت الصعايب لين جبت المستحيل
احبها واحب اعاديها واحب انصافها
راحت وانا معها بعد روّحت لـ بحور الخليل
اليا متى وانا طواريق الفراق اخافها
اللي عليها ما توقف لـ السفيه ولـ الذليل
واللي علي ادعي لها واشيل حمل اكتافها
ليه الوداع اللي ماعقبه غير دمع وضيق ليل
الله يسامحها لا قفت ما تلد اخلافها
ماكنها الا يوم تدفعها الخطاوي لـ الرحيل
قصيدةٍ سويت مطلعها وشيّب قافها
يا مُلهمة يا دمعة الضحاك
طريقك اللي جابك يودّيك
ماعاد لك طاري هنا و هناك
الا على شان القصيد اطريك
ما شاقني ، في طلة محيّاك
غير الحنين اللي ملا عينيك
وش داعي الكلمة ؟ لا زلت اقراك
مثل ما كنت اكتبك و اغنّيك
انا اكبر مْن مْواصلك و جفاك
وانتي يشابه حاضرك ماضيك
مثل ماكنت اذكرك راح انساك
بالله قولي لي وش ينسّيك ؟
خلّدتك و باقي عليّ افناك
لا جمّع الله يدّي بـ يدّيك
عسى خسارات السنين وْياك
فدا القصيد اللي كتبته فيك
اخر ايام الغلا عند اول ايام التغلي
يرجع الغافل على وعيه ويسمع من ضميره
وانت يا نجماً هوى من بعد ما كان متعلي
سامح الله كثر ما تخطي علي و اقول خيره
مل قلبي من خطاك المعتمد وانا يا ملي
طال صبري لين شفت ان خطوة الفرقا قصيره
لا انسفّه صوت العتاب وسد غيري في محلي
لا ترجى رجعة اللي بدّل الديره بديره
كنت تقدر تعتذر بـ اطرف عذر و اجيك كلي
لكن اعماك الكبر مثل الوليد ابن المغيره
كم تبعت ارضاك لكن ماتبعني غير ظلي
ف الليال الي تنام بها وانا عيني سهيره
في رياض الحب و بعيرك من النعمه مفلي
وصاحبك حديته يْبرّك على الرمضا بعيره
ما بقالي يوم خاب الظن و اغضت عين خلي
غير تلويحه موادع ، و امر بيع ، و طي سيره
جف نهر الود ما باقي بعد فيضتْه ملي
خذ حصاد اللي زرعته واكفني شره وخيره
والوكاد ان السنين تروح و ابن ادم مولي
منت ناسي صاحبك لو عاضك الله بـ الف غيره
#عيسى_طلق
@o7o_a
عيسى طلق retweeted
الليل هذا سنة سجن و عمر غربة
وحيش حتى هجوسه سمها هاري
سهرت فيه أتحرا الساعة الطربة
وأصبحت صدري من ثياب الطرب عاري
والله يا لولا القصيد مْجلي الكربة
خليت مخّي عشا لعياري الناري
اللي يبى يروح ياخذني على دربه
لـ أيّة مكان المهم أفارق دياري
ماعاد عندي عذر لجل أتعذر به
الوقت أكل طاقتي و استهلك أعذاري
عيسى طلق retweeted
يا رفيقي وأخر الحب مثل اللي تشوف
خل صدرك لـ الرعابيب منزال بدوي
المحبه تبتدي عند تلويح الكفوف
لا تقول ان الرياجيل تقدر تنطوي
هذا انا واقف مابين الرسايل والطيوف
ما معي نفسٍ صبوره ولا قلبٍ قوي
ما تدوم العشره اللي تقديها الظروف
كان ماهي بـ اجوديه وماهو بـ حموي






